_ _ _ _____ ___ __
__ _(_) | _(_)___ / ( _ ) / /_ ___ ___ _ __ ___
\ \ /\ / / | |/ / | |_ \ / _ \| '_ \ / __/ _ \| '_ ` _ \
\ V V /| | <| |___) | (_) | (_) | (_| (_) | | | | | |
\_/\_/ |_|_|\_\_|____/ \___/ \___(_)___\___/|_| |_| |_|
Уругвай (исп. Uruguay), официаллă ячĕ Уругвай Тухăç Республики (исп. República Oriental del Uruguay) — Кăнтăр Америка материкĕн кăнтăр-тухăçĕнче, Атлантика океанĕн хĕрринче вырнаçнă патшалăхĕ. Шĕкĕр хули — Монтевидео.
Уругвайран çурçĕрте Бразили, анăçра Аргентина, тухăç тата кăнтăр енчен — Атлантика океанĕ. Типçĕр çинчи чиккисен тăршшĕ — 1 564 км, тинĕс хĕррипе пыракан чиккисен тăршшĕ — 660 км. Сăртлă çĕрсем кăнтăр еннелле хулленех айлăмсене куçаççĕ.
Уругвай çыранĕсем лутра, якатса тӳрлеттернĕ пекех, лагуна евĕрлĕ.
Климачĕ кунта субтропиклă, океанçумлă. Кăрлачри вăтам температура 22-24 °C, çĕртмере 10-12 °C. Кăнтăр çилĕсем —«памперо» — вĕрме тытăнсан, температура -5 °C таран ӳкет, юрсем çума пуçлаççĕ.
Çул хушшинчи кĕр кунĕсенчи çумăр-юр максимумĕ 1000 мм кăнтăр енче тата шалти районĕсенче пулать. Çурçĕрте тата çӳллĕ çĕрсенче çумăр-юр шайĕ 1200 мм таран çитет.
Европеецсем куçса киличчен Уругвайра темиçе инди йăхĕсем пурăннă. Халĕ паянкун патшалăхра 88% пурăнаканĕ европеидлă расă евĕрлĕ, ытларах Испанипе Италинчен тухнăскерсем. 8% çеç метиссем пулаççĕ.
Хула çыннисен шайĕ — 88,7%. Шĕкĕр хулинче — Монтевидеора —Уругвайăн 40% халăх йышĕ.
Кăнтăр Америкăри патшалăхсем |
|
|---|---|