Fusion nuclear

La fusion nuclear a l'é ël process anvers ëd la fission. Durant la fusion nuclear, doe nos atòmiche ch'as antruco as gionzo an na nos pi gròssa, an liberand dl'energìa. A l'é lòn ch'as dësrola an tante stèile e an chèiche arme atòmiche.

Esempi ëd fusion nuclear

L'esempi pi sempi ëd fusion nuclear a l'é la catura d'un neutron da part d'un proton (visadì na nos d'idrògen) për formé un deuteron:

${\displaystyle {}_{1}^{1}H+n\rightarrow {}_{1}^{2}H+2,226MeV}$.

Për costa reassion a-i é gnun-a bariera ëd potensial elétrich da sorpassé.

N'àutr esempi ëd reassion ëd fusion a l'é cola antra doi proton. Dagià che na nos diprotònica e esist nen, ël process a l'é compagnà da la conversion d'un dij doi proton ant un neutron a spèise dl'energìa ëd liura dël deuteron arzultant e dl'emission d'un positron e un neutrin, visadì

${\displaystyle {}_{1}^{1}H+{}_{1}^{1}H\rightarrow {}_{1}^{2}H+e^{+}+\nu +1,35MeV}$.

Na tersa reassion ëd fusion amportanta a l'é cola antra l'idrògen e ël deuteri, ch'a l'ha 'me arzultà na nos ëd trissi:

${\displaystyle {}_{1}^{1}H+{}_{1}^{2}H\rightarrow {}_{1}^{3}H+e^{+}+\nu +4,6MeV}$.