_ _ _ _____ ___ __
__ _(_) | _(_)___ / ( _ ) / /_ ___ ___ _ __ ___
\ \ /\ / / | |/ / | |_ \ / _ \| '_ \ / __/ _ \| '_ ` _ \
\ V V /| | <| |___) | (_) | (_) | (_| (_) | | | | | |
\_/\_/ |_|_|\_\_|____/ \___/ \___(_)___\___/|_| |_| |_|
اسکی شہر اتلے لہندے ترکی دا اک شہر تے صوبہ اسکی شہر دا صدرمقام اے ۔ 2000ء دی مردم شماری دے موجب اس دی آبادی 4،82،793 اے ۔ ایہہ دریائے بورسک دے کنارے سمندر دی پدھر توں 790 میٹر دی بلندی تے واقع اے ۔ ایہہ انکرہ توں 250 کلومیٹر لہندے ، استمبول توں 350 میٹر چڑھدے دکھن تے کوتاہیہ توں 90 کلومیٹر اتلے چڑھدے چ واقع اے ۔
اسکی شہر ترکی بولی دا لفظ اے ، جس دا مطلب "پرانا شہر" اے ۔ ایہہ شہر اک ہزار قبل مسیح چ بسائیا گئیا سی ۔ اس شہر نوں اناطولیہ دے خوبصورت شہراں چوں اک سمجھئیا جاندا اے ۔
اج ایہہ ترکی دے وڈے صنعتی مرکزاں چوں اک اے ، جنہاں چ روایتی آٹا چکیاں تے اٹاں دے بھٹھےآں دے علاوہ ریلوے ورکشاپ تے ترکی دی پہلی ہوا بازی دی صنعت وی شامل اے ۔ ترک فضائیہ دا صدر دفتر وی ایتھے واقع اے ، جہڑا سرد جنگ دے دوران نیٹو دی دکھنی بانہہ سی ۔
شہر دا ودا حصہ ترک جنگ آزادی دے بعد دوبارہ اسارئیا گئیا ۔